කොටහේන ප්‍රදේශයේ දැරියක සියදිවි නසා ගැනීමේ සිද්ධියට අදාළ මරණ පරීක්ෂණය අද (15) කොළඹ මහෙස්ත්‍රාත් අධිකරණය හමුවේ පැවැත්වුණු බව වාර්තා වේ.
කොළඹ වැඩබලන මහෙස්ත්‍රාත් සම්පත් ජයවර්ධන ඉදිරියේ මෙම සාක්ෂි සටහන් කර ගැනීම සිදුව ඇති අතර එහිදී කොටහේන පොලීසියේ මෙහෙයවීම යටතේ සාක්ෂි සටහන් කරගෙන ඇත.
මෙහිදී මුලින්ම මියගිය දැරිය පදිංචිව සිටි මහල් නිවාස සංකීර්ණයේ සභාපතිවරයාගෙන් සාක්ෂි සටහන් කර ගෙන ඇති අතර ඉන් අනතුරුව මිය ගිය දැරියගේ මවගේ සාක්ෂි සටහන් කර ගැනීම සිදු කර ඇත.
ඉන් වැඩිදුර සාක්ෂි සටහන් කර ගැනීම ලබන 22 වනදා දක්වා කල් තැබු වැඩ බලන මහෙස්ත්‍රාත්වරයා එදින දැරියගේ මවගෙන් වැඩිදුරටත් සාක්ෂි සටහන් කර ගැනීමට නියමිතව ඇති බව වාර්තා වේ.
