Sasindu Sahan Tharaka January 22, 2024පූජ්‍ය අතුරලියේ රතන හිමියන් නියෝජනය කරන අපේ ජනබල පක්ෂයේ නායක සමන් පෙරේරා ඇතුළු පුද්ගලයන් 05 දෙනෙකු බෙලිඅත්ත පොලිස් වසමේ කහවත්ත පාලම අසලදී අද පෙරවරුවේ ඝාතනය කර ඇත.
පෙරවරු 08:30ට පමණ සුදු පැහැති ඩිෆෙන්ඩර් රථයක ගමන් කරමින් සිටි පුද්ගලයන් 05 දෙනෙකු ඉලක්ක කර ප්‍රහාරයක් එල්ලවී ඇති බවයි වාර්තා වන්නේ.
කොළ පැහැති කැබ් රථයකින් පැමිණි පිරිසක් විසින් ගිනි අවියකින් මෙම ප්‍රහාරය එල්ලකර ඇති අතර එම ප්‍රහාරයෙන් ඩිෆෙන්ඩර් රථයේ ගමන්ගත් පුද්ගලයන් 04 දෙනකු එම ස්ථානයේදී මිය ගොස් ඇති අතර තවත් අයෙකු ප්‍රතිකාර සදහා රෝහල් ගත කිරීමෙන් පසු මියගොස් ඇත.
