Staff Writer August 13, 2024නීතිය හා සාමය තහවුරු කරමින් රට තුළ නිදහස් සහ ස්වාධීන මැතිවරණයක් පැවැත්වීමට සහාය ලබාදීම ජනාධිපතිවරයා ලෙස තමාගේ වගකීමක් බව ජනාධිපති රනිල් වික්‍රමසිංහ මහතා පවසයි.
එසේම 2022 ජූලි මාසයේදී තමා රට තුළ නීතිය හා සාමය ස්ථාපිත කිරීම හේතුවෙන් ජනතාවට තම ඡන්දය භාවිතා කර ජනාධිපතිවරයෙක් තෝරා ගැනීමට අවස්ථාව ලැබී ඇති බවද ජනාධිපති රනිල් වික්‍රමසිංහ මහතා පොලිස් විශේෂ කාර්ය බලකායේ ශ්‍රී ජයවර්ධනපුර විශේෂ මෙහෙයුම් විධානය විවෘත කිරිමේ අවස්ථාවට එක් වෙමින් මේ බව සඳහන් කළා.
“රටේ ජනාධිපතිවරණය සැප්තැම්බර් 21 වන දා පවත්වනවා. ඔබේ යුතුකම, පොලීසියේ යුතුකම නීතිය සාමය ආරක්ෂා කරලා, නීතිය යටතේ ඡන්දය ගෙනියන්න. ජනාධිපති හැටියට ඒක මගේ යුතුකමක්. ඒක මැතිවරණ කොමිසමේ යුතුකමක්. ඒක පොලීසියේ යුතුකමක්. ඒ වැඩකටයුතු සියල්ලම ක්‍රියාත්මක කරන්න කියලා කියලා මම කියන්න කැමතියි. ඒ විතරක් නෙමෙයි මැතිවරණයෙන් පසුව ඇති වෙන පශ්චාත් මැතිවරණ ප්‍රචණ්ඩක්‍රියා සියල්ල ම නවත්වන්න ඕනේ. මේ සැරේ ප්‍රචණ්ඩක්‍රියා ඇති වෙන්න බෑ. ඒ ගැන අපි ක්‍රියාකරන්න ඕනේ. ඇය අපි මේ මැතිවරණය තියන්නේ. අපිට නීතිය, සාමය, ව්‍යවස්ථාව තියෙන නිසා. ඒ ව්‍යවස්ථාව අනුව ක්‍රියාකරනවා නම් අපි ආණ්ඩු ඇති කරන්නේ, ආණ්ඩු වෙනස් කරන්නේ ව්‍යවස්ථාව අනුව. 1931 ඉඳලා සර්ව ජන ඡන්දය යටතේ ප්‍රජාතන්ත්‍රවාදය යටතේ අණ්ඩව ආණ්ඩුවක් ගෙනියලා තියෙන්නේ ශ්‍රී ලංකා විතරයි. වෙන එක රටක නම් කරන්න මෙහෙම තියෙන. ඒ නිසා අපිට තියෙන්නේ සර්ව ඡන්දය ආරක්ෂා කරන්න. කිසිවිටෙක ඒක කැඩෙන්න ඉඩදෙන්න එපා.
අපේ යුද හමුදාව සහ නීතිය ආරක්ෂා කරන අය කටයුතු කළ නිසා අපි එදා පාර්ලිමේන්තුව නැතිවෙන්න ගිය එක නවත්ත ගත්තා. මම ආණ්ඩුව භාරගෙන ස්ථාවර කරලා අපි බංකොළොත්භාවයෙන් පිටවෙලා ඒ වගේම අද අපිට ඡන්දය තියන්න පුළුවන්. අපි ආඩම්බර වෙනවා. ඒක නොකෙරුවා නම් මොකද්ද වෙන්නේ, එක එක අය කිව්වා මේක නැති කරන්න ආණ්ඩුව පන්නලා දාන්න උසාවි යනවා කිව්වා. යුද්ධ තියෙන වෙලාවේ මේවා බලාගෙන ඉන්න බෑ. ක්‍රියා කරනවා නම් ක්‍රියා කරන්න ඕනේ. ඒ ඔක්කෝම නිසා තමයි අද මේ ඡන්දය තියෙන්නේ. අපේ අල්ලපු රට දිහා බලන්න. එක ආණ්ඩුවක් පන්නලා දාලා. වෙන කවුරුත් නෑ ආණ්ඩුව ගන්න. සාමාන්‍යයෙන් හමුදා එනවා. හමුදාවටත් ගන්න එපාලු. මන්ත්‍රීවරු මරනවා. ඒ වගේම ආරක්ෂක ලේකම්ට, මහ බැංකු අධිපතිට රටෙන් යන්න කියලා. හෝටල් ගිනි තියලා. තාම සාමාන්‍ය තත්ත්වයක් ඇති වෙලා නෑ. අන්න ඔබ එදා වැඩකරපු විදියෙන් අපි මේකෙන් බේරුණා. බේරිලා සැප්තැම්බර් 21 තමන් කැමති අපේක්ෂකයාට ඡන්දේ දෙන්න පුළුවන්.”
