Nisali Sadeepa November 7, 2024ජාතික ජනබලවේගය ආණ්ඩුවට අවශ්‍ය මොහොතේදී මුදල් අච්චු ගසන බවත් ණය ගන්නා බවත් මෙවර මහමැතිවරණයේ ජාතික ජනබලවේගය පක්ෂයේ බදුල්ල දිස්ත්‍රික් අපේක්ෂක සමන්ත විද්‍යාරත්න පවසයි.
බදුල්ල වීල්ස් පාර්ක් පිටියේ පසුගිය 03 වනදා පැවති ජන රැළිය අමතමින් ඔහු සඳහන් කළේ මෙරට අවශ්‍යතාවය අනුව අදාළ නිලධාරීන් සමඟ සාකච්ඡා කිරීමෙන් පසුව මුදල් අච්චු ගැසිම හා ණය ගැනීම සිදු කළ යුතු බවයි.
ජාතික ජනබලවේගය රජයක් යටතේ එම ක්‍රියාවලිය ඉදිරියට ගෙන යන බවත් ගෝඨාභය පාලනය යටතේ රුපියල් කෝටි ලක්ෂයක මුදලක් මුද්‍රණය කළ බවත් විද්‍යාරත්න පෙන්වා දෙයි.
කෙසේ වුවත් ජනාධිපතිවරණයට පෙර මුදල් අච්චු ගැසීමට මෙන්ම හිතුමනාපයට ණය ගැනීමට ආණ්ඩුවක් වුවමනාද යන්න ජාතික ජනබලවේගය පක්ෂය මැතිවරණ වේදිකාවලදී මෙන්ම දේශපාලන සාකච්ඡාවලදී ප්‍රශ්න කර සිටියේය.