Admin User June 6, 2024ලෝක කුසලාන විස්සයි විස්ස ක්‍රිකට් තරගාවලියේ පාකිස්තාන කණ්ඩායම සමග පැවැති තරගයෙන් ජය ගැනීමට ඇමරිකානු කණ්ඩායම සමත් වුණා
තරගයේදී ප්‍රථමයෙන් පන්දුවට පහරදුන් පාකිස්තාන කණ්ඩායම නියමිත පන්දුවාර 20 අවසානයේ කඩුළු 07ක් දැවී ලකුණු 159ක් රැස් කළ අතර පිළිතුරු ඉනිම ක්‍රීඩා කළ ඇමරිකානු කණ්ඩායම ද නියමිත පන්දුවාර 20 අවසානයේ කඩුළු 03ක් දැවී ලකුණු 159ක් ලබාගැනීමත් සමග තරගයේ ලකුණු තත්ත්වය සමවුණා.
ඒ අනුව තරගයේ ජයග්‍රාහකයා තෝරාගැනීමට සුපිරි පන්දුවාරයක් ක්‍රියාත්මක වු අතර එහිදී පළමුව පන්දුවට පහරදුන් ඇමෙරිකානු කණ්ඩායම නියමිත පන්දු 6 තුළ ලකුණු 18ක් රැස් කළේය.
ජයග්‍රාහී ලකුණු 19ක ඉලක්කය හඹා යාමට පිටියට පිවිසි පාකිස්තාන කණ්ඩායමට සුපිරි පන්දුවාරයේ දී එක් කඩුල්ලක් දැවී ලබාගත හැකිවුයේ ලකුණු 13ක් පමණි.
ඒ අනුව ජාත්‍යන්තර ක්‍රිකට් ක්‍රීඩාවට අලුතින් එක්වු ඇමෙරිකානු කණ්ඩායම ප්‍රබල පාකිස්තාන කණ්ඩායම පරදවා ලකුණු 5ක ඓතිහාසික විස්සයි විස්ස තරග ජයක් හිමි කරගැනීමට සමත්වුණා.
