Admin User July 16, 2024ගාල්ල කරාපිටිය ශික්ෂණ රෝහලේ හෘද සහ උරස් ශල්‍ය ඒකකය තුළ හෘද සැත්කම් කළ යුතු රෝගීන්ගේ පෝළිම 2028 වර්ෂය දක්වා දිගු වී ඇති බව එම රෝහලේ අභ්‍යන්තර ආරංචි මාර්ග සඳහන් කර තිබෙනවා.
එම ඒකකයේ හෘද සැත්කමක් සඳහා අද ලියාපදිංචි වන රෝගියෙක්ට සැත්කම කර ගැනීම සඳහා වසර හතරක් බලා සිටීමට සිදු වෙනවා.
රෝගීන් පවසන්නේ හෘද සැත්කම් සඳහා මෙම ඒකකයේ ලියාපදිංචි වන රෝගියකුට මෙහි සේවය කරන වෛද්‍යවරු විසින් ලබා දෙන්නේ 2028 දින බවයි.
මේ වන විට කොන්ත්‍රාත් පදනමින් එම ඒකකයේ සේවය කරන හෘද සහ උරස් කුහර පිළිබඳ විශේෂඥ ශල්‍ය වෛද්‍ය නාමල් ගමගේ මහතා
සඳහන් කළේ ඔහු විශ්‍රාම යන විට හෘද සැත්කම් කිරීම සඳහා රෝගීන් 4000කගේ පමණ ලැයිස්තුවක් පැවති අතර එම රෝගීන් මේ වන විට ජීවතුන් අතර සිටී ද යන්න සොයා බැලීමේ අවශ්‍යතාවක් පවා පවතින බවයි
මේ පිළිබඳ අදහස් දක්වමින් හෘද සහ උරස් කුහර පිළිබඳ විශේෂඥ ශල්‍ය වෛද්‍ය ට්‍රෝලූෂා හරිස්චන්ද්‍ර මහත්මිය, පැවසුවේ මේ තත්වයට හේතුව කණිෂ්ඨ වෛද්‍යවරු හිඟය බවයි
“හෘද සැත්කම් කර ගැනීම සඳහා 2028 වනතෙක් බලා සිටීම කිසිම හෘද රෝගියකුට ප්‍රායෝගික නෑ. මේ නිසා අලුතෙන් ලියාපදිංචි වන රෝගීන් සඳහා අමතර ලයිස්තුවක් අපි දාලා තියෙනවා. දිනකට හෘද සැත්කම් 2ක් මා විසින් සිදු කරනවා. එක් හෘද ගා උරස් කුහර පිළිබඳ වෛද්‍යවරයෙකුට කණිෂ්ඨ වෛද්‍යවරු 8 දෙනෙකුගේ සහය අවශ්‍යයි. කණිෂ්ඨ වෛද්‍ය හිඟය මේ තත්ත්වයට විශාල වශයෙන් බලපානවා”
