Sasindu Sahan Tharaka November 18, 2024
ගෑස් සිලින්ඩරය ලකුණින් තරඟ වැදුණු නව ප්‍රජාතන්ත්‍රවාදී පෙරමුණට හිමිව තිබෙන ජාතික ලැයිස්තු මන්ත්‍රී ධූරදෙක නම් කිරීම ටික දිනකට කල් යනු ඇති බව පක්ෂ ආරංචි මාර්ග සඳහන් කරයි.
මෙවර මහ මැතිවරණ ප්‍රතිඵල අනුව නව ප්‍රජාතන්ත්‍රවාදී පෙරමුණට ජාතික ලැයිස්තු මන්ත්‍රී ධූර දෙකක් ලැබී ඇත.
නව ප්‍රජාතන්ත්‍රවාදී පෙරමුණ ජාතික ලැයිස්තුවේ ඉහළින්ම හිටපු අග්‍රාමාත්‍ය දිනේෂ් ගුණවර්ධන සහ නව ප්‍රජාතන්ත්‍රවාදී පෙරමුණේ මහ ලේකම්වරිය වූ ශර්මිලා පෙරේරා යන අයගේ නම් සඳහන්ව ඇත.
කෙසේ වෙතත් මේ වනතුරුත් නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රී ධූර දෙකට පත් කරන්නන් සම්බන්ධයෙන් අවසන් එකඟතාවකට පැමිණ නැති බව පක්ෂ ආරංචි මාර්ග සඳහන් කරයි.