Nisali Sadeepa September 30, 2024
ඔක්තෝබර් 2 දින ජාත්‍යන්තර මූල්‍ය අරමුදලේ නියෝජිතයන් පිරිසක් මෙරටට පැමිණීමට නියමිත බව වාර්තා වේ
ඒ ආර්ථික ප්‍රතිසංස්කරණ තුන්වන ණය වාරිකය ලබා ගැනීම වෙනුවෙන් නව ආණ්ඩුව සමග සාකච්ඡා කිරීමටයි.
මෙම IMF නියෝජිත මණ්ඩල සංචාරයට පසු ශ්‍රී ලංකාව මූල්‍ය අරමුදල සමග ඇතුළත් වී තිබෙන ප්‍රගතිය තක්සේරු කරනු ඇති අතර නොවැම්බර් මාසයේදී මීළඟ මූල්‍ය වාරිකය ලබා දීම ගැන තීරණය කරනු ඇති බව ද වාර්තා වේ.
අයි.එම්.එෆ්. නියෝජිතයන් ජනාධිපතිවරයා සහ මුදල් අමාත්‍යාංශයේ ඉහළ නිලධාරීන් සමග ජාත්‍යන්තර මූල්‍ය අරමුදලේ වැඩසටහන තුළ තුන්වන සමාලෝචනය පිළිබඳ සාකච්ඡා කරනු ඇත.
මේ අතර, ජාත්‍යන්තර මූල්‍ය අරමුදල සමග සාකච්ඡා ඉක්මනින් නැවත ආරම්භ කිරීමට තමා කැපවන බව ජනාධිපති අනුර කුමාර දිසානායක මහතා පසුගිය දා අවධාරණය කළේ ය.
එසේ ම, ශ්‍රී ලංකාවේ ණය ප්‍රතිව්‍යුහගත කිරීම අවසන් වෙමින් පවතින බව මහ බැංකු අධිපති නන්දලාල් වීරසිංහ අනාවරණය කළේ ය.
රජය වත්මන් ණය තිරසර විශ්ලේෂණ (DSA) අනුගමනය කරන්නේ නම් සති 6ත් 8ත් ඇතුළත බැඳුම්කර හුවමාරුවක් අපේක්ෂා කරන බව ඒ මහතා පවසා සිටියේ ය.
