admin October 20, 2023
පාර්ලිමේන්තුවේ දී සිදුවූ පහරදීමේ සිද්ධියක් සම්බන්ධයෙන් පරීක්ෂණයක් කිරීම සඳහා පාර්ලිමේන්තුව විනාඩි 10කට කල් තබා ඇත.
සමගි ජන බලවේගයේ සුජිත් සංජය පෙරේරා මහතා තමාට පහර දුන් බව මන්ත්‍රිනී ඩයනා ගමගේ මහත්මිය සභා ගැබට පැමිණ පවසා ඇත.
අග්‍රාමාත්‍ය දිනේෂ් ගුණවර්ධන මහතා පැවසුවේ මෙය බරපතළ සිද්ධියක් වන අතර මේ ගැන පරීක්ෂණයක් කිරීම සඳහා පාර්ලිමේන්තුව විනාඩි 10කට කල් තැබිය යුතු බවය.
මන්ත්‍රීවරුන් දෙපිරිසක් අතර පාර්ලිමේන්තු සංකීර්ණයේ පහළ මාලයේ පුස්තකාලයේ අසල ඇති වූ ගුටි කෙළියක් හේතුවෙන් අද (20) එහි දැඩි කලබලකාරි තත්වයක් ඇති තිබේ.
රාජ්‍ය ඇමතිනී ඩයනා ගමගේ මහත්මිය සහ සමගි ජනබලවේගයේ අනුරාධපුර දිස්ත්‍රික් මන්ත්‍රී රෝහණ බණ්ඩාර මහතා අතර කිසියම් කාරණයක් සම්බන්ධයෙන් බහින්බස් වීමක් සිදුව ඇතැයි පාර්ලිමේන්තු ආරංචි මාර්ගවලින් වාර්තා වේ.
ඒ අවස්ථාවේදී එම පක්ෂයේ කෑගල්ල දිස්ත්‍රික් මන්ත්‍රී සුජිත් සංජය පෙරේරා මහතා සිද්ධිය සිය ජංගම දුරකතනයෙන් වීඩියෝ ගත කර ඇති බවත් එහිදී ගමගේ මහත්මිය සහ සුජිත් සංජය පෙරේරා අතරද කිසියම් උද්වේගකර තත්ත්වයක් ඇතිවී තිබූ බවත් එම ආරංචි මාර්ගවල සඳහන් වේ.