Sasindu Sahan Tharaka June 22, 2024ජනාධිපති රනිල් වික්‍රමසිංහ අද පස්වරුවේ TMVP පක්ෂ නායක සිවනේෂතුරෙයි චන්ද්‍රකාන්තන් නොහොත් පිල්ලෙයාන් ඇතුළු පාක්ෂිකයන් කිහිපදෙනෙක් මඩකලපුවේ ඔවුන්ගේ මූලස්ථානයේදී හමුවිය.
මෙම හමුවේදී TMVP නායකයා ජනාධිපතිවරයාට සහයෝගීතාව පළකළ අතර ඉදිරි ජනාධිපතිවරණයේදී ජනාධිපතිවරයාට තම පක්ෂයේ සහාය තහවුරු කළේය.
නැගෙනහිර පළාත සංවර්ධනය කිරීම සඳහා වූ ජනාධිපති රනිල් වික්‍රමසිංහගේ සැලැස්ම සාර්ථක කර ගැනීමට සහාය ලබාදුනහොත් පසෙන් යැපෙන නැගෙනහිර ජනතාවට දෙපයින් නැඟී සිටීමට අවස්ථාව හිමිවන බවද සිවනේසතුරෙයි චන්ද්‍රකාන්තන් මෙහිදී පවසා ඇත.
මෙහිදී අදහස් දැක්වූ ජනාධිපති රනිල් වික්‍රමසිංහ සඳහන් කළේ රටේ ආර්ථිකය ගොඩනගන අතරම ජනවාර්ගික ප්‍රශ්නයටද ස්ථීර සාර විසඳුමක් ලබා දෙන බවයි. ඒ වෙනුවෙන් සියලුදෙනා එක්විය යුතු බව පැවසු ජනාධිතිවරයා ඉදිරි වසර 05 තුළ නැගෙනහිර පළාත පුළුල් සංවර්ධනයකට ගෙන ඒමේ අභියෝගය තමා භාරගන්නා බවද අවධාරණය කළේය.
