‘පොඩි ලැසී’ යන අන්වර්ථ නාමයෙන් හඳුන්වන කුප්‍රකට පාතාල නායක ජනිත් මධුශංක ඇප මත මුදාහැරීමට නියෝග කර ඇති බව වාර්තා වේ.

සැකකරු අද (09) පෙරවරුවේ අධිකරණයට ඉදිරිපත් කළ අවස්ථාවේදී බලපිටිය මහේස්ත්‍රාත්වරයා විසින් මෙම නියෝගය ලබා දී ඇත.

හිටපු ජනාධිපති මෛත්‍රීපාල සිරිසේන, එවකට ආරක්ෂක ලේකම්වරයා ඇතුළු බන්ධනාගාර දෙපාර්තමේන්තුවේ ඇතැම් උසස් නිලධාරීන්ට බූස්ස බන්ධනාගාරයේදී ප්‍රසිද්ධියේ මරණීය තර්ජන එල්ල කළ බව කියන නඩුවේ දෙවැනි සැකකරු ලෙස ඔහු නම් කර තිබිණි.

‘පොඩි ලැසී’ වසර දෙකකට අධික කාලයක් අපරාධ වැරදි කිහිපයක් සම්බන්ධයෙන් බූස්ස අධි ආරක්ෂිත බන්ධනාගාරයේ රක්ෂිත බන්ධනාගාරගතව සිටි අතර, පොලිස් නිලධාරීන් පිරිසක් සමඟ එක්ව මත්ද්‍රව්‍ය ජාවාරම් කිරීම ඇතුළු චෝදනා සම්බන්ධයෙන් ඔහුට එරෙහිව අධිකරණ කිහිපයක විභාග වෙමින් පවතින නඩු ගණනාවක් ඇත.

Post Views: 179