admin November 8, 2023
ගාසා තීරයේ දින 3ක සටන් විරාමයක් සඳහා එකඟවන්නැයි අමෙරිකානු ජනාධිපති ජෝ බයිඩ්න්, ඊශ්‍රායල අග්‍රාමාත්‍ය බෙන්ජමින් නෙතන්යාහුගෙන් ඉල්ලීමක් කර තිබේ.
අමෙරිකානු ජනාධිපතිවරයා, එම ඉල්ලීම කර ඇත්තේ ඊශ්‍රායලය අග්‍රාමාත්‍යවරයාට දුරකතන ඇමතුමක් ලබාදෙමිනි.
ඒ හරහා ප්‍රාණ ඇපකරුවන් නිදහස් කිරීම පිළිබඳ ගනුදෙනුවකට අවතීර්ණ විය හැකි බව ද ඔහු ප්‍රකාශ කර ඇති බව විදෙස් මාධ්‍ය සඳහන් කර ඇත.
කෙසේ වෙතත් ඒ පිළිබඳව ඊශ්‍රායල අග්‍රාමාත්‍යවරයාගේ ස්ථාවරය, මෙතෙක් ප්‍රකාශයට පත්කර නැත.
ගාසා තීරය වෙත ඊශ්‍රායලය අඛණ්ඩව ප්‍රහාර එල්ල කරමින් පවති.
ඒ හේතුවෙන් මියගොස් ඇති පලස්තීන වැසියන් සංඛ්‍යාව 10,000කට අධිකයි.
ඊශ්‍රායලයේ ද 1400 කට අධික පිරිසක් මිය ගියහ.
වාර්තා වන ළමා මරණ සංඛ්‍යාව, 4104 කි.