Sasindu Sahan Tharaka May 19, 2025හිටපු කෘෂිකර්ම අමාත්ය මහින්දානන්ද අලුත්ගමගේ කොළඹ ප්රධාන මහේස්ත්රාත් අධිකරණයට අද (19) පැමිණ ඇති බව වාර්තා වේ.
නඩුව අද දින කැඳවීම සඳහා ඔහුගේ නීතිඥවරු විසින් මෝසමක් ඉදිරිපත් කර තිබෙන බවයි වාර්තා වෙන්නේ.
චීන පොහොර ගෙන්වීමේ සිදුවීමට අදාල විමර්ශනයට අදාලව හිටපු කෘෂිකර්ම අමාත්ය මහින්දානන්ද අලුත්ගමගේ අත්අඩංගුවට ගැනීම සඳහා අල්ලස් හෝ දූෂණ විමර්ශන කොමිෂන් සභාවට කොළඹ ප්රධාන මහේස්ත්රාත් අධිකරණයෙන් පසුගිය 16 වනදා වරෙන්තුවක් නිකුත් කරනු ලැබීය.
කෙසේ නමුත් මහින්දානන්ද අලුත්ගමගේ අත්අඩංගුවට ගැනිමට පොලිසිය රාජගිරියේ ඔහු පදිංචිව සිටි ස්ථානයේ සොයා බලා තිබුණද, ඔහු එම ස්ථානයේ සිට තිබුණේ නැත
පසුව ඔහු අත්අඩංගුවට ගැනිම සඳහා පොලිස් කණ්ඩායමක්ද යොදවා තිබුණද පොලිසියට එයට හැකියාව ලැබුනේ නැත.
