විපක්ෂ නායක සජිත් ප්‍රේමදාස මෙවර ජනාධිපතිවරණයෙන් නියත වශයෙන්ම ජයග්‍රහණය කරන බවත්, රට ගොඩනැගීමට හැකි එකම කණ්ඩායම සජිත් ප්‍රේමදාස ඇතුළු එම කණ්ඩායම බවත් හිටපු ක්‍රිකට් ක්‍රීඩක ටී.ම්.ඩිල්ෂාන් පවසයි.

ඔහු මෙම අදහස් පළ කළේ සමඟි ජන බලවේගයේ ජන හමුවක් අමතමින්.

එහිදී වැඩිදුරටත් අදහස් දැක්වූ ඔහු,

“මම හැමදාම හිතුවේ මගේ රට ඉහළට ගෙනියන්නත්, කීරිතිය රටට ගෙන දෙන්නත්. හැබැයි ක්‍රීඩකයෝ හැටියට අපිට ඒ දේ කරන්න ලැබුණා. නමුත් අද වට විට අපි රට රටවල් වලට යනකොට අපිට අහන්න ලැබෙන්නේ ඉතාමත් අසුබ ආරංචි. අපේ රට ගැන තියෙන්නේ වැරදි ප්‍රතිරූපයක්. අපිට කියන්නේ ලංකාව කියන්නේ හැම රටෙන්ම ණය ඉල්ලන් ජීවත් වන රටක් කියලා. අපි ගෙනාපු අභිමානය එහෙන් පිටින්ම නැති කරලා තියෙනවා.

මේ රට වැටිල ඉන්න තත්වෙක ගොඩගන්න පුළුවන් එකම නායකයා තමයි සජිත් ප්‍රේමදාස නායකතුමා ඇතුළු මේ කණ්ඩායම. අනිත් වේදිකා දැක්කම අනිත් කණ්ඩායම් දැක්ක්ම ඔයාලට තේරෙනවා ඇති කාටද මේ රට වැටිලා තියෙන තත්වෙන් ගොඩට ගේන්න පුලුවන් කියලා. කිසි දේකට බයවෙන්න දෙයක් නෑ. ඉදිරි සැප්තැම්බර් 22 වෙනිදට නියත වශයෙන් සජිත් ප්‍රේමදාස මැතිතිමා මේ රටේ ජනාධිපති වෙල මේ රට වැටිලා තියෙන තත්වෙන් ගොඩගන්නවා.”

Post Views: 145