Staff Writer October 8, 2024ඉදිරි පාර්ලිමේන්තු මැතිවරණයේදී ප්‍රජාතන්ත්‍රවාදී වාමාංශික පෙරමුණේ සහාය ජාතික ජන බලවේගයට ලබාදීමට එම පක්ෂය තීරණය කර තිබේ.
අද (08) පැවැති මාධ්‍ය හමුවකට එක්වෙමින් එම පෙරමුණේ නායක හිටපු පාර්ලිමේන්තු මන්ත්‍රී වාසුදේව නානායක්කාර මහතා ඒ බව පවසා සිටියේය.
ඉදිරි පාර්ලිමේන්තු මැතිවරණයේදී තම පක්ෂය තරග කරන්නේ මාලිමාවට සහයෝගය දක්වමින් බවත්, ජනාධිපතිවරණයේදී ජාතික ජන බලවේගය එක්ක සම්බන්ධතාවයක් ගොඩනගා ගැනීමට උත්සාහ කළ නමුත් ජාතික ජනබලවේගයේ යම් ප්‍රතිපත්තිමය ප්‍රශ්නයක් නිසා එය සාර්ථක නොවුණු බවත් ඔහු ප්‍රකාශ කර ඇත.
එමෙන්ම ප්‍රජාතන්ත්‍රවාදී වාමාංශික පෙරමුණේට ලබා දෙන ඡන්දයත් ජාතික ජන බලවේගයට දෙන ඡන්දයක් බව ඔහු වැඩිදුරටත් ප්‍රකාශ කර ඇත.