admin June 24, 2023
රුසියානු – යුක්‍රේන යුද සටනේ රුසියාවට සහයෝගය දැක්වූ වැග්නර් කුලී හේවා කණ්ඩායම සන්නද්ධ කැරැල්ලක් ලෙස ක්‍රෙම්ලීනයෙන් නිවේදනයක් නිකුත් කර තිබේ.
එහිදී එයට විරුද්ධත්වය දක්වමින් වැග්නර් කුලී හේවා කණ්ඩායමේ ප්‍රධානියා රුසියාවේ හමුදා නායකත්වය පෙරළා දැමීම සඳහා තම කණ්ඩායම සියලුම ආකාරයේ ක්‍රියාමාර්ග සඳහා එලඹීමට තීරනය කරන බව විදෙස් මාධ්‍ය වාර්තා කර ඇත.
ඒ අනුව “සන්නද්ධ කැරැල්ලක්” බවට ක්‍රෙම්ලිනය ඔවුන්ට චෝදනා කිරීමෙන් පැය කිහිපයකට පසු වැග්නර් සටන්කාමීන් යුක්රේනයේ සිට රුසියාවට දේශසීමාව හරහා ආක්‍රමණශීලී ලෙස ඇතුළු වී තිබෙන බවයි විදෙස් මාධ්‍ය වාර්තා කරයි.
රුසියානු හමුදා නායකත්වය පෙරළා දැමීම සඳහා තම කණ්ඩායම් උපරිම ක්‍රියාමාර්ග ගන්නා බව වැග්නර් බළකායේ ප්‍රධානියා ප්‍රකාශකර ඇත.
යුක්‍රේනයට එරෙහි ගැටුම්වලදී රුසියාවට සහාය දැක්වීමට ඉදිරිපත් වු වැග්නර් කණ්ඩායමට අයත් ප්‍රදේශයකට රුසියානු හමුදා විසින් ගුවන් ප්‍රහාරයක් එල්ලකළ බව කියන සිද්ධියක් මුල් කරගනිමින් එම ගැටලුකාරී තත්ත්වය නිර්මාණය වී තිබේ.
මේ වන විටත් රුසියාවේ ඇතැම් ප්‍රදේශ වැග්නර් කුලී හේවා කණ්ඩායම සිය ග්‍රහණයට ගෙන ඇති බවට ඇතැම් මාධ්‍ය වාර්තා කර ඇති අතර රාජ්‍ය රැකගැනීම සඳහා රුසියාව තුළ හදිසි රෙගුලාසි බලාත්මක කිරීමටද පියවර ගෙන ඇති බව සඳහන්ය.
මේ අතර, රුසියාවට විරුද්ධව සන්නද්ධ අරගල සිදුකරන කණ්ඩායම්වලට එරෙහිව දැඩි ක්‍රියාමාර්ග ගන්නා බව ජනාධිපති ව්ලැද්මීර් පුටින් පවසයි