Nisali Sadeepa July 28, 2024ජාතික අධ්‍යාපන විද්‍යාපීඨ සිසුන්ගේ දීමනාව ලබන මාසයේ සිට රුපියල් අටදහසක් දක්වා වැඩිකිරීමට අධ්‍යාපන අමාත්‍යාංශය තීරණය කර තිබෙනවා.
සීමා වාසික පුහුණුව ලබන සහ මේ වන විට දෙවැනි වසරේ සිටින සිසුන්ට වැඩි කළ දීමනාව අගෝස්තු මාසයේ සිට ලබා දෙන අතර නවක සිසුන් සඳහා සැප්තැම්බර් මාසයේ සිට එම දීමනාව ගෙවීමට සැලසුම් කර ඇති බව සඳහන්.
එම සිසුන්ට දැනට ලබාදෙන රුපියල් පන්දහසේ දීමනාව ප්‍රමාණවත් නොවන බවට දීර්ඝ කාලයක් තිස්සේ අධ්‍යාපන අමාත්‍යාංශයට දැනුවත් කිරීම් කර තිබුණා
එලෙස සිදුකළ දැනුවත් කිරීම් මත දීමනාව රුපියල් තුන්දහසකින් වැඩි කිරීමට කැබිනට් මණ්ඩලය තීරණයක් ගෙන තිබුණේ මෙම වසර මුලදීය.
නමුත් අමාත්‍යාංශයේ මූල්‍ය ප්‍රතිපාදන ප්‍රමාණවත් නොමැති වීම නිසා මේ දක්වා එම තීරණය ක්‍රියාත්මක කිරීමට නොහැකි වී තිබුණා.
එහෙත් පවතින මුදල් කළමනාකරණය කරගනිමින් දීමනාව වැඩි කිරීමට අමාත්‍යාංශය තීරණය කර තිබෙනවා.
