Nisali Sadeepa June 4, 2024මැයි මස (02) දින ආරම්භ කළ වෘත්තීය සමිති ක්‍රියාමාර්ගය අඛණ්ඩව තවදුරටත් ක්‍රියාත්මක කරන බව අන්තර් විශ්වවිද්‍යාල වෘත්තීය සමිති මහා සම්මේලනය පවසනවා
එහි සමලේකම් කේ.එල්.ඩී රිච්මන් මහතා සඳහන් කළේ, සිය වෘත්තීය ගැටලු සම්බන්ධයෙන් උසස් අධ්‍යාපන රාජ්‍ය අමාත්‍ය සුරේන් රාඝවන් මහතා සමග කළ සාකච්ඡාවේදිත් මෙම ප්‍රශ්නයට පිළිතුරක් නොලැබුණු බැවින් මෙම තීරනය ගත් බවයි
“මැයි 2 ආරම්භ කළ අඛණ්ඩ වැඩවර්ජනය තවමත් ක්‍රියාත්මකයි. ඊයේ දිනයේ රාජ්‍ය අමාත්‍ය රාඝවන් මහතා සමග සාකච්ඡා වට දෙකක් පැවත්වුවා. රජය පැත්තෙන් විසඳුම් ලබා දෙන යෝජනා ඉදිරිපත් වුණා. නමුත් අපි බලාපොරොත්තු වෙනවා අවසාන විසඳුම ලෙස අපිට මේකට ලිඛිතව දෙයක් අවශ්‍යයි. ඒ චක්‍රලේඛය ලබාදුන් වහාම අපි වැඩවර්ජනය අවසන් කිරීමට බලාපොරොත්තු වෙනවා. මෙය ලබාදෙන කල් වැඩවර්ජනය තවදුරටත් ක්‍රියාත්මකයි. මේ වනවිට දින 34ක් වැඩවර්ජනය ක්‍රියාත්මකයි .”
