වයස අවුරුදු 19න් පහළ ලෝක කුසලාන ක්‍රිකට් තරගාවලියේ නැමීබියා කණ්ඩායම සමග පැවැති තරගයෙන් ලකුණු 77ක ජයක් වාර්තා කිරීමට ශ්‍රී ලංකා යොවුන් කණ්ඩායම සමත් විය.

තරගයේ පළමුව පන්දුවට පහරදුන් ශ්‍රී ලංකා කණ්ඩායම පන්දුවාර 37.5ක් අවසානයේ සියලු දෙනා දැවී රැස් කළේ ලකුණු 133ක් පමණි. එහිදී සාර්ථක වූ එකම පිතිකරුවා වෙමින් සුපුන් වඩුගේ නොදැවී ලකුණු 56ක් රැස් කළේය.

අනතුරුව පිළිතුරු ඉනිම ක්‍රීඩා කළ නැමීබියා කණ්ඩායමේ සියලු දෙනා ලකුණු 56කට සීමා කිරීමට ශ්‍රී ලංකා පන්දු යාවන්නෝ සමත් වූහ.

පන්දු යැවීමේදී විශ්ව ලහිරු ලකුණු 19කට කඩුලු 03ක්, රුවිෂාන් පෙරේරා ලකුණු 03කට කඩුලු 03ක් සහ දිනුර කලුපහන ලකුණු 08කට කඩුලු 02ක් දවාගත්හ.

Post Views: 97