admin August 7, 2023
ඉන්දීය හිටපු ක්‍රිකට් ක්‍රීඩකයෙකු සහ යුනිසෙෆ් හි දකුණු ආසියාවේ කලාපීය සුහද තානාපති සචින් තෙන්ඩුල්කාර් හෙට (08) මෙරට උත්සවයකට සහභාගී වීමට නියමිතය.
COVID-19 වසංගතයේ බලපෑම සහ කලාපයේ දරුවන්ගේ ජීවිතවලට ඉන් පසුව ඇති වූ ආර්ථික අර්බුදය පිළිබඳ ආලෝකය විහිදුවීම මෙම උත්සවයේ අරමුණ වේ.
ගෝලීය වසංගතය, ආර්ථික අභියෝග සමඟ ශ්‍රී ලංකාව පුරා සිටින දරුවන්ගේ ජීවිතවල නොමැකෙන සලකුණක් තබා ඇත.
යුනිසෙෆ් කලාපීය සුහද තානාපතිවරයෙකු ලෙස ඔහු දකුණු ආසියානු කලාපය පුරා ළමා අයිතිවාසිකම්, ආරක්ෂාව සහ සංවර්ධනය ප්‍රවර්ධනය කිරීමට කැපවී සිටී.
ඔහු මෙරට සෞඛ්‍ය, අධ්‍යාපනය සහ ආරක්ෂාව වැනි ක්ෂේත්‍රවල දරුවන්ගේ ජීවිත වැඩිදියුණු කිරීමට ක්‍රියාකාරීව ක්‍රියා කරන යුනිසෙෆ් වැඩසටහන් සමඟ සම්බන්ධ වීමට නියමිතය.
