Sasindu Sahan Tharaka May 28, 2025සමගි ජන බලවේගයේ කළුතර දිස්ත්රික් පාර්ලිමේන්තු මන්ත්රී නීතිඥ අජිත් පී පෙරේරා යටිතල පහසුකම් සහ උපාය මාර්ගික සංවර්ධනය පිළිබඳ ආංශික අධීක්ෂණ කාරක සභාවේ සභාපති ධුරයට තේරී පත් වී ඇති බව වාර්තා වේ.
පාර්ලිමේන්තුවේ ඊයේ (27) පැවති එම ආංශික අධීක්ෂණ කාරක සභාවේ පළමු රැස්වීමේදී මෙම තෝරා පත් කරගැනීම සිදු කර ඇත.
යටිතල පහසුකම් සහ උපායමාර්ගික සංවර්ධනය පිළිබඳ ආංශික අධීක්ෂණ කාරක සභාවේ සභාපති ධුරය විපක්ෂයේ මන්ත්රීවරයෙකුට ලබාදීමට මීට පෙර ආණ්ඩු පක්ෂය සහ විපක්ෂය අතර එකඟත්වයක් ඇති විය.
ඒ අනුව සභාපති ධුරය සඳහා පාර්ලිමේන්තු මන්ත්රී අජිත් පී පෙරේරාගේ නම පාර්ලිමේන්තු මන්ත්රී නලින් බණ්ඩාර විසින් යෝජනා කරන ලදුව පාර්ලිමේන්තු මන්ත්රි ජගත් විතාන විසින් ස්ථිර කර ඇත.