Nisali Sadeepa October 22, 2024ජනාධිපති අනුර කුමාර දිසානායක සහල් මෝල් හිමියන් සමඟ අද (22) පැවති සාකච්ඡාවකදී සහල් පාලන මිලෙහි වෙනසක් සිදු නොවන බව ප්‍රකාශ කර තිබේ.
සංවිධිත කෘෂිකර්මාන්ත සැලැස්මක් ඇති කර ගොවි ජනතාවට වැඩි ප්‍රතිලාභ ලැබීමේ දිගුකාලීන වැඩපිළිවෙළක් ක්‍රියාත්මක කිරීමට සැලසුම් කර ඇති බව එහිදී ජනපතිවරයා සඳහන් කර ඇත.
පාලන මිල පැනවීමෙන් පසු ගොවීන්ගෙන් වී මිලදී ගෙන ඇති බවත්, ඉන්පසුව සහල් මිලෙහි වෙනසක් සිදු කිරීම සාධාරණ නොවන බවත් ජනාධිපතිවරයා මෙහිදී සහල් ව්‍යාරිකයින් හමුවේ ප්‍රකාශ කර ඇත.
සහල් මිල කෘත්‍රිම ලෙස ඉහළ ගොස් ඇති බව පෙන්වා දුන් ජනාධිපතිවරයා දිගු කාලීනව පාලන මිල ක්‍රියාත්මක නොකිරීම තුළින් මෙම මිල අස්ථාවරභාවය මතුව ඇති බවද එහිදී ප්‍රකාශ කර තිබේ.