Sasindu Sahan Tharaka October 3, 2024
හිටපු පාර්ලිමේන්තු මන්ත්‍රිනි රාජිකා වික්‍රමසිංහ සහ දහම් සිරිසේන අද (03) මව්බිම ජනතා පක්ෂය සමග කොළඹ පිහිටි මව්බිම ජනතා පක්ෂ මූලස්ථානයේදී එක් විය.
ශ්‍රී ලංකා පොදුජන පෙරමුණ නියෝජනය කරමින් ජාතික ලැයිස්තුවෙන් පාර්ලිමේන්තු පැමිණි හිටපු පාර්ලිමේන්තු මන්ත්‍රිනි රාජිකා වික්‍රමසිංහ මව්බිම ජනතා පක්ෂයේ කෑගලු දිස්ත්‍රික් සහ දැදිගම සංවිධායකවරිය ලෙස පත්කර ඇත.
හිටපු ජනපති මෛත්‍රීපාල සිරිසේන මහතාගේ පුත්‍රයා වන දහම් සිරිසේන පොළොන්නරු දිස්ත්‍රික්කයේ මව්බිම ජනතා පක්ෂ සංවිධායක ලෙස පත්කර ඇත.
මේ අතර චමිඳු කුමාරසිංහ පොළොන්නරුව දිස්ත්‍රික්ක සම්බන්ධීකාරක ලෙසත්, තක්ෂිල ප්‍රේමසිරි මහනුවර, උඩුනුවර සංවිධායකවරයා ලෙසත් පත්කර තිබේ.
සංජීව සුරවීර මහනුවර හේවාහැට සංවිධායකවරයා ලෙසත්, තක්ෂිලා සෙනෙවිරත්න මහනුවර යටිනුවර සංවිධායක ලෙසත් තුසිත තිලංක ජයසිංහ රත්ගම සංවිධායකවරයා ලෙසත් පත්කර ඇත.