admin August 24, 2023
ජපානය සුන්බුන් වූ ෆුකුෂිමා න්‍යෂ්ටික බලාගාරයෙන් පිරිපහදු කළ විකිරණශීලී ජලය පැසිෆික් මුදා හැරීම අද (24) ආරම්භ කර ඇති බව විදෙස් මාධ්‍ය වාර්තා කර ඇත.
මෙය ‘ආත්මාර්ථකාමී සහ වගකීම් විරහිත’ ක්‍රියාවක් ලෙස චීනය මේ සම්බන්ධයෙන් අදහස් දක්වා ඇතැයි ද වාර්තා වේ.
එමෙන්ම සාගර පරිසරය, ආහාර සුරක්ෂිතතාව සහ මහජන සෞඛ්‍යය ආරක්ෂා කිරීම සඳහා අවශ්‍ය පියවර ගන්නා බවද චීනය ප්‍රකාශ කර ඇත.
මීට අමතරව ජලය විසර්ජනයෙන් පසු ජලයේ විකිරණ මට්ටම් නිරීක්ෂණය කිරීම වේගවත් කරන බව ද ඔවුන් සඳහන් කර තිබේ.
විකිරණශීලී ජලය පැසිෆික් සාගරයට මුදා හැරීමේ සැලැස්මට මීට වසර 2කට පෙර ජපන් රජය අවසර දී තිබිණි.
කෙසේ වෙතත්, ජපාන ධීවර කණ්ඩායම් පවසා ඇත්තේ මෙය එරට කීර්තිනාමයට හානි කරන අතර අපනයන සීමා කිරීම් ඇතුළු විකුණුම් අලාභයකට තුඩු දෙනු ඇති බවය.
හොංකොං සහ මැකාවු (චීන පාලනය යටත් ප්‍රදේශ) අද සිට ටෝකියෝ අගනුවර සහ ෆුකුෂිමා ඇතුළු ප්‍රදේශවලින් ජපන් මුහුදු ආහාර ලබා ගැනීම තහනම් කිරීමටද සැලසුම් කර ඇත.