Sasindu Sahan Tharaka January 5, 2024ශ්‍රී ලංකා පොදුජන පෙරමුණේ ජනාධිපතිවරණ අපේක්ෂකයා නියමිත වේලාවට ඉදිරිපත් කිරීමට සූදානම් යැයි ශ්‍රී ලංකා පොදුජන පෙරමුණේ නායක හිටපු ජනාධිපති මහින්ද රාජපක්ෂ පවසයි.
එම ධූරයට තරග කිරීමට තමා ඉදිරිපත් නොවන බව ද ඊට ඉදිරිපත් කිරීමට තම පක්ෂයේ අපේක්ෂකයන් කිහිප දෙනෙකුම සිටින බව ද ඔහු එහිදි පැවසීය.
හිටපු ජනාධිපති මහින්ද රාජපක්ෂ එහිදි වැඩි දුරටත් පවසා සිටියේ VAT බදු අඩු කළ නිසා තමාට ප්‍රශ්න ඇති වූ බව ද එම නිසා VAT වැඩි කිරීම පිළිබඳව තමාට අදහස් ප්‍රකාශ කිරීමට අපහසු බවත්, ඉදිරි සියලු ම මැතිවරණ සඳහා තම පක්ෂය සූදානම් බවත්, පාර්ලිමේන්තුව විසිරුවා පාර්ලිමේන්තු මැතිවරණයකට යනවා නම් තම පක්ෂය ඊට ද සූදානම් බවත් ය.
ශ්‍රී ලංකා පොදුජන පෙරමුණේ පක්ෂ මූලස්ථානයේදී ඊයේ (ජන. 4) පැවති විශේෂ රැස්වීමකින් අනතුරුව මාධ්‍ය වෙත අදහස් දක්වමින් හිටපු ජනාධිපතිවරයා මෙම අදහස් පළ කර ඇත.
