Sasindu Sahan Tharaka May 28, 2024
2019 වසරේ පාස්කු ඉරු දින එල්ල වූ බෝම්බ ප්‍රහාරයෙන් තුවාල ලබා වසර 5කට අධික කාලයක් ප්‍රතිකාර ලබමින් සිටි අයෙකු මිය ගොස් ඇති බව වාර්තා වේ.
මෙසේ මිය ගොස් ඇත්තේ කටුවාපිටිය ශාන්ත සෙබෙස්තියන් දේවස්ථානයට එල්ල වූ ප්‍රහාරයෙන් තුවාල ලැබූ තිළිණා හර්ෂනී නමැති කාන්තාවක් වන අතර පාස්කු ප්‍රහාරයෙන් ඇයගේ සුසුම්නාවට බරපතළ හානි සිදුව තිබුණි.
කටුවාපිටිය දේවස්ථානයට එල්ල වූ මෙම මරාගෙන මැරෙන ප්‍රහාරයෙන් ඇයගේ පුතු වන දුලෝද් ඇන්තනීද මිය ගොස් ඇත.
පාස්කු ඉරු දින ප්‍රහාර මාලාවේදී වැඩිම ජීවිත හානියක් සිදු වූයේ කටුවාපිටිය ශාන්ත සෙබස්තියන් දෙව්මැදුරට එල්ල වූ ප්‍රහාරයෙනි.
කෙසේ නමුත් 2019 වසරේ අප්‍රේල් මස 21 වැනිදා ස්ථාන 8කට එල්ල වූ මරාගෙන මැරෙන බෝම්බ ප්‍රහාරයෙන් පුද්ගලයින් 273 දෙනෙකු මිය ගොස් ඇති අතර පුද්ගලයින් 500කට අධික ප්‍රමාණයක් ඉන් තුවාල ලැබීය.