Sasindu Sahan Tharaka July 1, 2024
2024 ලංකා ප්‍රිමියර් ලීග් විස්සයි-20 ක්‍රිකට් තරගාවලිය අද (01) ආරම්භ වීමට නියමිතයි.
එහි සමාරම්භක උත්සවය පල්ලේකැලේ ජාත්‍යන්තර ක්‍රිකට් ක්‍රීඩාංගණයේදි පස්වරු 6.00ට පැවැත්වීමට සියලු කටයුතු සූදානම්ව ඇතැයි වාර්තා වේ.
ආරම්භක තරගය අද රාත්‍රී 7.00ට කැන්ඩි ෆැල්කන්ස් සහ දඹුල්ල සික්සර්ස් කණ්ඩායම් අතර පැවැත්වීමට නියමිතව ඇත.
මෙවර ලංකා ප්‍රිමියර් ලීග් විස්සයි-20 තරගාවලියේ පළමු තරගය ද ඇතුළුව තරග 5ක් මහනුවර පල්ලෙකැල් ක්‍රීඩාංගණයේදී පැවැත්වෙන අතර ඉන් අනතුරුව 5 වැනිදා සිට 10 වැනිදා දක්වා තරග 9ක් රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදීත් ඉන් අනතුරුව 13 වැනිදා සිට තරග පැවැත්වීමට නියමිතව ඇත්තේ කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී වේ.