Admin User November 7, 2024ඊට අමතරව චීන ජනාධිපතිවරයා ද ට්‍රම්ප් වෙත සුබ පැතුම් එක්කර තිබෙන බව වාර්තා වේ.
ජනාධිපතිවරණය සටනින් ජයගත් ඩොනල්ඩ් ට්‍රම්ප් සිය පවුලේ සමාජිකයින් සහ ළඟම හිතවතුන් සමඟ සමූහ ජායාරූපයකට පෙනි සිටි අයුරු දැක්වෙන රූපයක් ට්‍රම්ප්ගේ මිනිබිරිය වන කායි ට්‍රම්ප් විසින් සිය එක්ස් සමාජ ගිණුමේ පළ කර තිබෙන අතර එම ඡයාරූපය සඳහා ට්‍රම්ප්ගේ මැතිවරණ සටනේ දැවැන්තයෙකු ලෙස කටයුතු කළ එලොන් මස්ක් පෙනිසිටිම විශේෂත්වයකි.
අමෙරිකානු ජනාධිපතිවරණයට අදාළට තවත් ප්‍රාන්ත 03ක පමණ ප්‍රතිඵල නිකුත් වීමට නියමිත වන අතර දැනට නිකුත් වී ඇති ප්‍රතිඵල අනුව රිපබ්ලිකන් පක්ෂ ජනාධිපති අපේක්ෂක ඩොනල්ඩ් ට්‍රම්ප්ට ඡන්ද විද්‍යාල සංඛ්‍යාව 294ක බලය හිමිව තිබේ.
ඔහුගේ ප්‍රතිවාදියා වු ඩිමොක්‍රොටික් පක්ෂ ජනපති අපේක්ෂක උප ජනපතිනි කමලා හැරිස්ට ඡන්ද විද්‍යාල 223ක බලය හිමිවිය.
මේ අතර ජයග්‍රහණයත් සමඟ අමෙරිකාව පාලනය කරනු ලබන වයස්ගතම ජනාධිපතිවරයා ලෙස ට්‍රම්ප් ඉතිහාස ගත වේ.
1946 ජූනි 14 වනදා උපත ලැබු ට්‍රම්ප්, මේ වන විට 78 වන වියෙහි පසුවන අතර ඔහු සිය ධූර කාලය අවසන් කරන විට 83 වැනි වියට පා තබනු ලබයි.
හිටපු ජනාධිපති ජෝ බයිඩ්න් 2020 වසරේ ජනාධිපතිධුරයට පත්වන විට ඔහුගේ වයස 77 කි.