Admin User December 2, 2024එම අවස්ථාවේදී එහි උණුසුම් තත්ත්වයක් හටගෙන ඇත. උණුසුම් තත්ත්වය අතරතුර පොලිස් නිලධාරීන් තිදෙනෙක් තුවාල ලබා ඇති අතර, උද්ඝෝෂකයින් තිදෙනෙක් අත්අඩංගුවට ගෙන තිබේ.
අදාල උද්ඝෝෂණය හේතුවෙන් මේ වනවිට බොරැල්ල – කොට්ටාව 174 බස් මාර්ගය ද සම්පූර්ණයෙන්ම අවහිර වී තිබූ අතර පාසල්වල ඉගැන්වීම් කටයුතු සිදු කරනු ලබන සංවර්ධන නිලධාරින් විසින් මෙම උද්ඝෝෂණය සංවිධනා කර ඇති බවටයි තොරතුරු වාර්තා වේ.
තමන්ව ගුරුසේවයට අනුයුකුත් කර සේවයේ ස්ථිර කරන ලෙසට ඔවුන් ඉල්ලා සිටියේය.
පාසල් සංවර්ධන නිලධාරින් ගුරු සේවයට බඳවා ගැනීම සම්බන්ධයෙන් වන සාකච්ඡාවක් ඊයේ වෘත්තීය සංගම් නියෝජිතයන් සහ අධ්‍යාපන හා උසස් අධ්‍යාපන නියෝජ්‍ය වෛද්‍ය මධුර සේනාරත්න මහතා අතර පැවැත්වු අතර එහිදී එම නිලධාරීන් රජයේ වෙනත් කාර්යාල වෙත අනුයුක්ත කිරීම තාවකාලිකව අත්හිටුවීමට අදාළ බලධාරීන්ගෙන් ඉල්ලීමක් කරන බව ලේකම්වරයා පොරොන්දු වූ බව සඳහන් වේ.
එමෙන් ම සංවර්ධන නිලධාරීන් ගුරු සේවයට බඳවා ගැනීමේදී ශ්‍රේෂ්ඨාධිකරණය පෙන්වා දී ඇති පරිදි රාජ්‍ය සේවා කොමිෂන් සභාවේ නිර්දේශයන්ට යටත්ව ක්‍රියා කළ යුතු බවට එහිදී අදහස් පළ කර ඇත.