admin August 24, 2023
ලංකා ධීවර සංස්ථාවේ මත්ස්‍ය නිෂ්පාදන online ක්‍රමවේදය හරහා නිවසට ගෙන්වා ගැනීමට හැකි බව ධීවර රාජ්‍ය අමාත්‍යංශය පවසා ඇත.
වර්තමාන වෙළෙඳපොළට සරිලන පරිදි යාවත්කාලීන කරමින් ධීවර සංස්ථා මත්ස්‍ය නිෂ්පාදන ආහාර සහ භාණ්ඩ බෙදා හරින සේවා හරහා නිවෙස් වෙත ගෙන්වා ගැනීමට පාරිභෝගිකයන් හට අවකාශය උදාකර දී ඇති බව ධීවර රාජ්‍ය අමාත්‍ය පියල් නිශාන්ත ද සිල්වා සඳහන් කර තිබේ.
ඊයේ (අගෝ. 23) නාරාහේන්පිට, ආර්ථික මධ්‍යස්ථාන පරිශ්‍රයේ පිහිටි H18 නම් වූ ධීවර සංස්ථා වෙළෙඳසලක් නවීකරණය කර නැවත විවෘත කිරීමේ අවස්ථාවට එක්වෙමින් අමාත්‍යවරයා මේ බව සඳහන් කර ඇත.
ඒ අනුව, පළමු අදියරේදී කොළඹ සහ තදාසන්න ප්‍රදේශවල ජනතාවට මෙම පහසුකම සැලසෙනු ඇත.
ධීවර අමාත්‍යංශය සහ ධීවර සංස්ථාව ද විවිධාකාර අභියෝගයන්ට මුහුණ දෙමින් සිටිය ද, දැක්මක් සහිතව ඉදිරියට යාමට උත්සහ දරන බව අමාත්‍යවරයා සඳහන් කර ඇත.
