Nisali Sadeepa June 18, 2024විශ්වවිද්‍යාල අනධ්‍යයන සේවකයන්ගේ වැටුප් විෂමතාවලට විසඳුමක් දීම සම්බන්ධයෙන් විශ්වවිද්‍යාල ප්‍රතිපාදන කොමිෂන් සභාවේ සභාපතිවරයා සමග අද (ජූනි 18) සාකච්ඡාවක් පැවැත්වෙන බව අධ්‍යාපන අමාත්‍ය සුසිල් ප්‍රේමජයන්ත පවසයි
එම සාකච්ඡාවේදී වැටුප් ගැටලුව විසඳීම සම්බන්ධයෙන් ලිඛිත පොරොන්දුවක් ලබා දීමට සූදානම් බවත් අධ්‍යාපන අමාත්‍යවරයා ප්‍රකාෂ කර සිටියා
අද පාර්ලිමේන්තුව අමතමින් අමාත්‍යවරයා කියා සිටියේ විශ්වවිද්‍යාල අනධ්‍යයන හා අධ්‍යයන කාර්ය මණ්ඩලවලට 2018 වසරේදී වැටුප් වැඩි වීමක් සිදු කළ බව යි
එහිදී අධ්‍යයන කාර්ය මණ්ඩල ආචාර්ය සහ මහාචාර්යවරුන්ට 107%කින් වැටුප් ඉහළ දැමූ අතර අනධ්‍යයන කාර්ය මණ්ඩල සඳහා 85%කින් වැටුප් ඉහළ දැමූ බවත් ඔහු තව දුරටත් සදහන් කළා
ඒ අනුව, වැටුප් වැඩි කිරීම අතර 15%ක පරතරයක් ඇති වූ බව ඔහු පෙන්වා දුන්නේ ය.
