Staff Writer July 2, 2024
දෙමළ ජාතික සන්ධානයේ නායක පාර්ලිමේන්තු මන්ත්‍රී ආර්. සම්බන්ධන්ගේ අභාවයෙන් පුරප්පාඩු වූ පාර්ලිමේන්තු මන්ත්‍රී ධූරය සඳහා කදිරවේලු සම්මුගම් කුහදාසන් නම් කර තිබෙනවා.
9 වන පාර්ලිමේන්තුවේ මන්ත්‍රීවරයෙකු ලෙස ත්‍රිකුණාමලය මැතිවරණ කොට්ඨාසය සඳහා කුහදාසන් තෝරාපත් කරගත් බව මැතිවරණ කොමිසන් සභාව පවසයි
ඊට අදාළ ගැසට් නිවේදනය එම කොමිසම මඟින් මේ වන විටත් ප්‍රකාශයට පත්කර තිබෙනවා.
මේ අතර අභාවප්‍රාප්ත ආර්. සම්බන්ධන් මහතාගේ දේශය මේ වන විට කොළඹ පෞද්ගලික මල්ශාලාවක තැම්පත් කර තිබෙන අතර අද (03) දහවල් දක්වා එහි තැම්පත් කර තිබෙන සම්බන්ධන් මහතාගේ දේහය පස්වරුවේ පාර්ලිමේන්තුවට රැගෙන යාමට නියමිතය.
අද පස්වරු 2.00 සිට පස්වරු 4.00 දක්වා ඒ මහතාගේ දේහය පාර්ලිමේන්තුවේ තැම්පත් කර තැබීමට නියමිත අතර හෙට (04) දිනයේ ත්‍රිකුණාමලයට රැගෙන යාමට නියමිත අතර ඉරිදා දිනය දක්වා මහජන ගෞරවය සඳහා ඔහුගේ නිවසේ තැම්පත් කර තැබෙනු ඇත.
දේහය පිළිබඳ අවසන් කටයුතු එළැඹෙන ඉරිදා සිදුකිරීමට නියමිතයි
