Sasindu Sahan Tharaka March 21, 2024ශ්‍රී දළඳා මාලිගාව සහ සතර මහා දේවාල මගින් වාර්ෂිකව පැවැත්වෙන ඇසළ පෙරහැර මංගල්‍යයේදී ඉදිරිපත් කෙරෙන නර්තන අංග ඇතුළු සියලුම ප්‍රසංග භාණ්ඩ ගැසට් කිරීමට සාකච්ඡා කරන බව දියවඩන නිලමේ ප්‍රදීප් නිලංග දෑල පවසයි.
ජනාධිපති ලේකම් සමන් ඒකනායක සමඟ මිට අදාළ සාකච්ඡාවක් ඊයේ පැවැත්විණි.
නැටුම් අංග ඇතුළු සියලුම භාණ්ඩ ගැසට් කිරීමෙන් අනාගතයේදී ඒවා විකෘති නොවන බව දියවඩන නිලමේවරයා එහිදී පෙන්වා දී ඇති අතර මහනුවර ඓතිහාසික ඇසළ පෙරහැර මංගල්‍යය පෞරාණික සිරිත් විරිත්වලට ගරු කරමින් පවත්වාගෙන යෑම සඳහා සහභාගිවන්නන්ගේ සහ පහසුකම් සපයන රාජ්‍ය ආයතනවල කාර්යයන් නිශ්චිතව ප්‍රකාශ කර ගැසට් කිරීමට සැලසුම් කර ඇති බව එම සාකච්ඡාවේදී ඔහු සඳහන් කර තිබේ.
පෙරහැර සංදේශය මඟින් ජනාධිපති රනිල් වික්‍රමසිංහගෙන් කළ ඉල්ලීමකට අනුව ජනාධිපතිවරයාගේ උපදෙස් පරිදි මෙම වැඩපිළිවෙළ ක්‍රියාත්මක කිරීමට නියමිත බවයි වාර්තා වන්නේ.
