admin June 30, 2023
ඉන්දීය ක්‍රිකට් තේරීම් කමිටුවේ නව ප්‍රධානියා ලෙස හිටපු ඉන්දීය වේගපන්දු යවන ක්‍රීඩක අජිත් අගාර්කර් පත්වීමට වැඩි අවස්ථාවක් පවතින බව ඉන්දීය මාධ්‍ය වාර්තා කර තිබේ.
පසුගිය කාල සීමාවේදී තේරීම් කමිටු සභාපති ධුරය සඳහා ඉන්දියාවේ නමගිය ඉහළ පෙළේ අයෙකු පත් කිරීමට ඉන්දීය ක්‍රිකට් පාලක මණ්ඩලය උත්සාහ කළද එය ව්‍යර්ථ වීමෙන් අනතුරුව ඔවුන් විසින් අජිත් අගාර්කර් තේරීම් කමිටුවේ නව ප්‍රධානියා ලෙස පත් කිරීමට සූදානම් වන බවයි ඉන්දීය මාධ්‍ය වාර්තා කර ඇත්තේ.
පසුගිය දෙවතාවේදීම සලකා බැලුණු නම් අතරින් අගාර්කර්ගේ නම ඉදිරියෙන් තිබුණද, ඔහු එය භාරගැනීමට කැමැත්තක් දක්වා තිබුණේ නැත.
ඉන්දීය ක්‍රිකට් තේරීම් කමිටු ප්‍රධානී තනතුරෙන් චේතන් ෂර්මා ඉල්ලා අස්වීමෙන් පසු මේ වනවිට ප්‍රධාන තේරීම් කමිටු ධුරය පුරප්පාඩුව පවතී.
අජිත් අගාර්කර් ඉන්දියාව වෙනුවෙන් ටෙස්ට් තරග 26කට, එක්දින තරග 191කට සහ විස්සයි විස්ස තරග 04කට ක්‍රීඩා කර තිබේ.