මිනිත්තුවක් තුළදී ජනප්‍රිය පොප් ගායිකා Taylor Swift ගේ ගීත හඳුනාගැනීමෙන් ගිනස් වාර්තාවක් පිහිටුවීමට 20 වියැති පාකිස්ථානු ජාතික Bilal Ilyas Jhandir නම් තැනැත්තා සමත් වී තිබෙනවා.බ්‍රිතාන්‍ය ජාතික Dan Simpson නැමැති රේඩියෝ නිවේදකයකු විසින් 2019 වසරේදී මිනිත්තුවක් තළ ගීත 27ක් හඳුනාගනිමින් තබා තිබූ වාර්තාව Bilal විසින් බිඳ දමා ඇත්තේ ගීත 34ක් හඳුනාගනිමින්.

මෙහි විශේෂත්වය වන්නේ සංගීතය හෝ තනුව නොමැතිව ගීපද ඇසීම මගින් පමණක් මෙම ගීත හඳුනා ගැනීම වන අතර, වයස අවුරුදු 13 සිට Taylor Swiftගේ ගීත ඇසීමට පුරුදු වී සිටින තමාට එය ඉතා පහසු කටයුත්තක් වූ බව Bilal සඳහන් කර තිබෙනවා. මෙය Bilal ගේ එකම ගිනස් වාර්තාව නොවන අතර, 2021 වසරේදී විවිධ සතුන්ගේ ශබ්ද අතුරින් එම සත්ත්වයන් නිවැරදිව හඳුනාගැනීමෙන් සහ 2023 වසරේදී මිනිත්තුවක් තුළදී ගායක Justin Bieberගේ ගීත වැඩිම ප්‍රමාණයක් (29) ක් හඳුනා ගැනීමෙන් ඔහු ගිනස් වාර්තා පිහිටුවා ඇති බව වැඩිදුරටත් වාර්තා වනවා.

Post Views: 150