Nisali Sadeepa March 8, 2024ප්‍රවීන ගුවන් විදුලි නිවේදිකාවක, චරිතාංග රංගන ශිල්පිනියක මෙන්ම හඬ කැවීම් ශිල්පිනියක වන රම්‍යා වනිගසේකර මහත්මිය අභාවප්‍රප්ත වී ඇති බව වාර්තා වේ.
ලාංකීය කලා ක්ෂේත්‍රයට මහඟු සේවයක් කළ රම්‍යා වනිගසේකර මහත්මිය මිය යන විට ඇය 73 වන වියේ පසු විය.
1974 හෙවායෝ වේදිකා නාට්‍යයෙන් ඇය වේදිකා පසුබිම් ගායිකාවක් ලෙස ක්ෂේත්‍රයට පිවිසෙන ඇය 1978 දී චූලා කාරියවසම් විසින් අධ්‍යක්ෂණය කරන ලද මන රංජන වෙද වර්ජන නාට්‍යයේ “ගුණවතී” චරිතය හරහා ඇය වේදිකා නාට්‍යයේ පෙරළියක් සිදු කිරීමට සමත් විය.
ඇය අහසින් වැටෙන මිනිසුන් (1971), ඉඩම (1975), ජේලර් උන්නැහේ (1986), දූවිලි (1990) සහ රජ කතාව (1991) යන නාට්‍යවල රඟපෑ අතර පසුව ඇය සඳ කිඳුරි, මුහුදු පුත්තු, මා හේනේ රීරි යකා ලියතඹරා, සිරි සඟබෝ සහ හිරු නැති ලොව ඇතුළු ජනප්‍රිය නාට්‍ය රැසක රඟපෑ අතර ඇය අඛණ්ඩව වසර 41ක් කැලණි පාලමේ “මැටිල්ඩා” චරිතය රඟපෑම විශේෂත්වයකි.
