Nisali Sadeepa April 30, 2024ශ්‍රේෂ්ඨාධිකරණ විනිසුරු ධුරයට ජනාධිපති රනිල් වික්‍රමසිංහ ඉදිරිපත් කළ නිර්දේශය ප්‍රතික්ෂේප කිරීමට ආණ්ඩුක්‍රම ව්‍යස්ථාදායක සභාව ගත් තීරණය තුළින් මූලික මිනිස් අයිතිවාසිකම් උල්ලංඝනය වන බවට තීන්දුවක් ලබාදෙන ලෙස ඉල්ලා ගොනු කෙරුණු පෙත්සමක් විභාගයට ගැනීමට ශ්‍රේෂ්ඨාධිකරණය අවසර දී තිබෙනවා.
ජනාධිපතිවරයා විසින් ශ්‍රේෂ්ඨාධිකරණ විනිසුරු ධුරයට නිර්දේශ කර ඇත්තේ අභියාචනාධිකරණ විනිසුරු නිශ්ශංක බන්දුල කරුණාරත්න මහතාවයි.
කෙසේ වෙතත් අගවිනිසුරු තනතුර හැර සෙසු ශ්‍රේෂ්ඨාධිකරණ විනිසුරු තනතුරු සඳහා නාමයෝජනා නිර්දේශ කිරීම වළක්වාලමින් ශ්‍රේෂ්ඨාධිකරණය විසින් ජනාධිපතිවරයා සහ ආණ්ඩුක්‍රම ව්‍යවස්ථා සභාව වෙත අතුරු නියෝගයක්ද නිකුත් කරනු ලැබුවා.
