Staff Writer June 13, 2024
මෙවර T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකා කණ්ඩායම ඉවත්ව ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.
පන්දුවාර 20 ලෝක කුසලානයෙන් නිල වශයෙන් ඉවත් වීමට ශ්‍රී කණ්ඩායමට සිදුවුණේ නෙදර්ලන්තය සමග පැවති තරගයෙන් බංග්ලාදේශය ජය ගැනීම හේතුවෙන්.
ශ්‍රී ලංකාවට සුපිරි 08 දෙනාගේ වටයට සුදුසුකම් ලබාගැනීමේ අවසන් අවස්ථාව ද ගිලිහී ගියේ බංග්ලාදේශය හමුවේ නෙදර්ලන්තය මෙම තරගයෙන් පරාජයට පත්වීම හේතුවෙන්.
කෙසේ වෙතත් ලෝක කුසලානයෙන් ඉවත් වුව ද ශ්‍රී ලංකා කණ්ඩායම අවසන් තරගය ලෙසින් ලබන 17 වනදා ග්රෝස් අයිලට්හිදී නෙදර්ලන්තය සමග පැවැත්වෙන තරගයට සහභාගී විය යුතු අතර ඒ සඳහා ශ්‍රී ලංකා කණ්ඩායම බටහිර ඉන්දීය කොදෙව් දූපත් බලා යාමට නියමිතයි.
