admin May 29, 2023
ආගමික සංහිඳියාවට බාධාවන අයුරින් ප්‍රකාශ සිදුකිරීමේ චෝදනාව මත අත්අඩංගුවට ගැනුණු පූජ්‍ය රාජාංගණයේ සද්ධාරතන හිමියන් අද(29) පස්වරුවේ කොළඹ කොටුව මහේස්ත්‍රාත් අධිකරණ වෙත ඉදිරිපත් කිරීමෙන් අනතුරුව ජූනි මස 07වැනි දා දක්වා රක්ෂිත බන්ධනාගර ගත කිරීමට නියෝග කර ඇත.
ඊයේ(28) රාත්‍රියේ අනුරාධපුර ශ්‍රාවස්ත්‍රීපුර ප්‍රදේශයේ දී අපරාධ පරීක්ෂණ දෙපාර්තමේන්තුව විසින් උන්වහන්සේව අත්අඩංගුවට ගැනිණි.
මෙම භික්ෂූන් වහන්සේ සමාජ මාධ්‍ය ඔස්සේ සිදුකර ඇති ප්‍රකාශවලින් ජාතීන් අතර නොසන්සුතාවක් ඇතිවීමේ ඉඩකඩක් පවතින බවට ලැබී ඇති පැමිණිලි සැළකිල්ලට ගනිමින් ඊයේ(28) රාත්‍රියේ මෙම අත්අඩංගුවට ගැනීම සිදුකර ඇත.
ආගමික සංහිඳියාවට හා බුද්ධ ශාසනයට හානිකර වන පරිදි කරන ලද ප්‍රකාශ සම්බන්ධයෙන් පාහියංගල ආනන්ද සාගර හිමියන් විසින් කරන ලද පැමිණිල්ලකට අනුව එම හිමිනම අත්අඩංගුවට ගෙන ඇති බවද වැඩිදුරටත් වාර්තා වේ.