Staff Writer July 2, 2024
යාපනය දිස්ත්‍රික්කයේ ජනතාවට පානිය ජල අවශ්‍යතාවය සපුරා ගැනීම සදහා වැසි ජලය රැස්කර ගැනීමේ ටැංකි ඉදිකිරීමට ඉන්දියාව ඉදිරිපත් වී තිබෙනවා
ඒ අනුව වැසි ජලය රැස් කිරීමේ ටැංකි 3000ක් ඉදිකිරීමට නියමිත බව සදහන්
මෙම ව්‍යාපෘතිය සදහා ඉන්දීය රජය සමග අවබෝධතා ගිවිසුමක් අත්සන් කිරීමට 2016 – 10 – 25 වනදා අමාත්‍ය මණ්ඩල අනුමැතිය ලැබී තිබුණි.
එම ව්‍යාපෘතිය වසර තුනකදී නිම කළ යුතුව තිබූ නමුත් මතුවූ මූල්‍යමය හා තාක්ෂණික ගැටලු හේතුවෙන් ව්‍යාපෘති කාලසීමාව 2024 ජුනි දක්වා දීර්ඝ කර තිබෙනවා
ෆෙරෝ සිමෙන්ති ටැංකි වෙනුවට පීවීසී වැසි ජල ටැංකි 1831ක් ස්ථාපිත කිරීමටත් 2022 -10 -10 පැවති කැබිනට් මණ්ඩල රැස්වීමේදී අනුමැතිය ලබාදී තිබේ.
එම ව්‍යාපෘතියේ ඉතිරිව ඇති මුදල් වලින් ටැංකි 934ක් ස්ථාපනය කිරීමට අමාත්‍ය විජයදාස රාජපක්ෂ මහතා ගෙන ආ යෝජනාවට කැබිනට් මණ්ඩල අනුමැතිය ලැබී ඇති බව සඳහන් ය.
