Sasindu Sahan Tharaka December 12, 2024
මුදල් අමාත්‍යවරයාගේ නියෝග මත සියලුම් සිල්ලරට මත්පැන් විකිණිමට අදාළව නව බලපත්‍ර නිකුත් කිරීම අත්හිටුවා තිබෙන බව සුරාබදු දෙපාර්තමේන්තුව පවසයි.
එහෙත් සංචාරක කර්මාන්තයේ ප්‍රවර්ධනය සඳහා සංචාරක මණ්ඩලය විසින් අනුමත කරනු ලබන තරු පන්තියේ හෝටල් සහ ආපනශාලා සඳහා බලපත්‍ර නිකුත් කිරීම කෙරෙහි අවධානය යොමුව ඇති බව සඳහන් වේ.
ඒ අනුව මුදල් අමාත්‍යංශය සමග සාකච්ඡා කර සංචාරක මණ්ඩලයේ අනුමැතිය හා සුරාබදු නිවේදනවලට අනුකූලව සැපිරිය යුතු අනෙකුත් සුදුසුකම් සහිත හෝටල් සහ ආපනශාලා සඳහා සුරාබදු දෙපාර්තමේන්තුවේ නිර්ණායකවලට අනුකූලව මුදල් අමාත්‍යවරයාගේ අනුමැතිය මත නව මත්පැන් බලපත්‍ර නිකුත් කිරීමට ඉදිරියේදී පියවර ගන්නා බවද සුරාබදු දෙපාර්තමේන්තුව සඳහන් කරයි.
සුරාබදු දෙපාර්තමේන්තුව විසින් පසුගිය වසර කිහිපය තුල නිකුත්කළ සිල්ලරට මත්පැන් විකිණීමේ බලපත්‍ර හා සංචාරක මණ්ඩලයේ අනුමත හෝටල් සහ ආපන ශාලා සම්බන්ධයෙන් ඇති වී තිබූ මතභේදාත්මක තත්ත්වය පිළිබඳව අවධානය යොමු කර මුදල් අමාත්‍යවරයාගේ නියෝග මත සිල්ලරට මත් පැන් විකිණීමේ නව බලපත්‍ර නිකුත් කිරීම අත්හිටු වීමටයි පියවර ගෙන ඇත්තේ.
