Nisali Sadeepa December 16, 2024තමන් ඇතුළු කණ්ඩායම සමගි ජන සන්ධානයෙන් ඉවත් වෙන බව හිටපු පාර්ලිමේන්තු මන්ත්‍රී ජගත් කුමාර පවසයි.
තමාට පක්ෂයේ විවිධ සංවිධායක ධූර ලබා දුන්නත් ඒ එකම පත්වීමක්වත් යථාර්තයක් බවට පත් කිරීමට මැතිවරණ සමයේ හෝ ඉන් පසුව සමගි ජන බලවේගයේ නායක සජිත් ප්‍රේමදාස මහතා කටයුතු නොකළ බව ප්‍රවෘත්ති සාකච්ඡාවකට එක්වෙමින් ජගත් කුමාර සඳහන් කළේය.
සමගි ජන බලවේගය තුළ තවදුරටත් රැඳෙමින් සිය පාක්ෂිකයින්, ක්‍රියාකාරීන් හිටපු ප්‍රාදේශීය සභා හා නගර සභා මන්ත්‍රීවරුන්ගේ දේශපාලන අනාගතය විනාශ වීමට ඉඩ නොදී මෙම තීරණය ගත් බවද ජගත් කුමාර මෙහිදී වැඩිදුරටත් පවසා සිටියේය.
